បង្កើត​គណនី

ការចុះឈ្មោះអ្នកប្រើប្រាស់

មុនពេលឡុកចូល និងប្រើប្រាស់វេបសាយនេះ អ្នកនឹងតម្រូវឱ្យចុះឈ្មោះ​ជាអ្នក​ប្រើប្រាស់ដែលមានការអនុញ្ញាតដោយដាក់ព័ត៌មានជាក់លាក់ទៅកាន់វេបសាយ។

នៅពេលអ្នកចុះឈ្មោះដើម្បីក្លាយជាអ្នកប្រើប្រាស់ដែលមានការអនុញ្ញាតពីវេបសាយនេះ អ្នកអះអាង និងធានាចំពោះអង្គការ Compassion ថា៖ (a) អ្នកកំពុងប្រើអត្តសញ្ញាណពិតប្រាកដរបស់អ្នក (b) ព័ត៌មានដែល​អ្នកផ្តល់​ជូនអង្គការ Compassion អំពីអ្នក និងស្ថាប័នរបស់អ្នកគឺពិតប្រាកដ ពេញ​លេ​ញ ត្រឹមត្រូវ និងមានបច្ចុប្បន្នភាព (c) អ្នកនឹងរក្សា និងធ្វើបច្ចុប្បន្នភាព​ព័ត៌​មាន​នោះភ្លាម (d) អ្នកមានអាយុស្របច្បាប់គ្រប់គ្រាន់ (នៅក្នុងរដ្ឋ/ខេត្ត ឬដែនដីដែលអ្នករស់នៅ) និងសមត្ថភាពផ្លូវចិត្តក្នុងការ​អនុវត្តលក្ខខណ្ឌនៃ​ការ​ប្រើប្រាស់ទាំងនេះ (e) អ្នកមានសិទ្ធិអំណាចតាងនាមឲ្យស្ថាប័ន​របស់អ្នក​ក្នុ​ង​ការអនុវត្តលក្ខខណ្ឌនៃការប្រើប្រាស់ទាំងនេះ ហើយអ្នកបានអាន និងយល់ពី​ល​ក្ខ​ខណ្ឌនៃការប្រើប្រាស់ទាំងនេះ ហើយយល់ព្រមអនុវត្តតាមលក្ខខណ្ឌ​ទាំង​នេះ (f) អ្នកមានតម្រូវការស្របច្បាប់ក្នុងការចូលទៅកាន់វេបសាយ និង​មាតិ​កា​របស់វា ហើយអ្នកនឹងប្រើតែមាតិការបស់វេបសាយនេះសម្រាប់​គោលបំណង​ដែលមានការអនុញ្ញាតប៉ុណ្ណោះ និង (g) អ្នកមិនមានផលប្រយោជន៍ផ្ទាល់ខ្លួន ឬធ្វើជាកម្មសិទ្ធិខ្លួន/កម្មសិទ្ធិនៅក្នុងវេបសាយ ឬមាតិការបស់វាឡើយ។  លើសពីនេះទៀត អ្នកយល់ព្រមថា អ្នកទទួលខុសត្រូវចំពោះការការពារ និង​រ​ក្សា​ការសម្ងាត់នៃព័ត៌មានឡុកចូលរបស់អ្នក។  អ្នកទទួលខុសត្រូវទាំងស្រុងចំពោះសកម្មភាពដែលកើតឡើងនៅក្រោមព័ត៌មានឡុកចូលរបស់អ្នក ថាតើអ្នកបានអនុញ្ញាតសកម្មភាពនេះឬអត់។  អ្នកយល់ព្រមថា អ្នកនឹងមិនលក់ ផ្ទេរ ឬផ្តល់សិទ្ធិចូលប្រើរបស់អ្នកដល់​វេបសា​យ ឬព័ត៌មានឡុកចូលរបស់អ្នកទៅឱ្យភាគីទីបីណាមួយ ឬផ្តល់សិទ្ធិចូលប្រើដល់​ភាគីទីបីណាមួយឡើយ។  អង្គការ Compassion រក្សាសិទ្ធិក្នុងការតម្រូវឱ្យអ្នកផ្លាស់ប្តូរពាក្យសម្ងាត់​របស់​អ្ន​ក​តាមពេលទៀងទាត់។